SUŠAČKA REVIJA broj 45 opatija STO ŠEZDESET LET TURIZMA Aleksandra Kućel - Ilić Prišlo je leto 2004. i to je leto va ken Opatija slavi veli turistički jubilej – pred 160 let je v' ovisteh krajeh započel turizam. Kada je davnega 1844. leta rečki patricij Iginio Scarpa, va spomen svojoj pokojnoj žene Angioline, v opatijsken parke zgradil vilu, ni mogal znat da će za tu prvu opatijsku vilu va ku su prihajali gosti, bit vezani i koreni turizma na celen oven dele Hrvackega primorja. Prva opatijska štorija je jušto onakova kakova i trebe bit jena tepla štorija od »prve dame turizma«. To je štorija od jubavi. Govori od Angioline Scarpa, rojenoj Sartorio, koj je muž Iginio pokle ča je umrla, va čast i spomen podignul ovu, se do danaska važnu vilu – letnjikovac. Spomen jenoj veloj jubave je pasal va štoriju. Villa Angiolina, smeštena va parke va ken je bilo posajeno zelenilo, dreva i rožice keh su pomorci dovezli z seh stran sveta, isticala se je svojun arhitekturun i jako dobrun pozicijun i pokle su se i druge opatijske vile z tega vremena delale po uzore na nju. Prvi gosti ki su prihajali va Villu Angiolinu, proširili su ime Opatije nadugo i naširoko – pročulo se da je ovdeka dobra i lekovita arija, da uz more zrak drugačije diši i da se ovdeka more i zabavit, opustit i zlečit boli. Opatija je postala »in«, postala je mesto za fini gosti. Jedan za drugen gradili su se pansioni, sanatoriji, vile i hoteli. Saka je reklama, pa i najhuja, ipak reklama, ča se j' potvrdilo i kroz povijest. Važno je da se o ten poveda i da si ki moru budu na ten važnen meste, kot ča j' nekada bila Opatija. Videt i bit viđen, to j' bilo najvažneje. Doživet i oćutit se pohvale ke je Opatije dala slavna amerikanska balerina Isadora Duncan ka je tancala po uzore na opatijske palme ke je vetar njihal, al pak videt ča se to toliko va toj istoj Opatije ni pijažalo Antonu Pavloviču Čehovu, ki ni bil zadovoljan z onen ča je v' Opatije doživel... Važno ime za ko se veže početak opatijske turističke što tije je Friedrich Julius Schüller, Austrijac ki je bil direhtor Društva Južneh željeznic i ki je kupil Villu Angiolinu 1882. leta i pokle potical izgradnju prveh opatijskeh hoteli, Kvarnera i pokle Stephanie (današnji Imperial). Tu je bil i Juraj Matija Šporer, duhtor ki je 1859. leta prišal na ideju da se osnuje Društvo za izgradnju Opatije kako morskega banja i prirodnega lječilišta. Julius Glax, ugledan balneolog i Theodor Billroth, priznati kirurg, bili su veli promotori Opatije z onega vremena i toliko su je voleli da su va njoj i finili život... Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala. Povratak na kazalo © 2001-2024 Klub Sušačana
STO ŠEZDESET LET TURIZMA
Aleksandra Kućel - Ilić
Prišlo je leto 2004. i to je leto va ken Opatija slavi veli turistički jubilej – pred 160 let je v' ovisteh krajeh započel turizam. Kada je davnega 1844. leta rečki patricij Iginio Scarpa, va spomen svojoj pokojnoj žene Angioline, v opatijsken parke zgradil vilu, ni mogal znat da će za tu prvu opatijsku vilu va ku su prihajali gosti, bit vezani i koreni turizma na celen oven dele Hrvackega primorja. Prva opatijska štorija je jušto onakova kakova i trebe bit jena tepla štorija od »prve dame turizma«. To je štorija od jubavi. Govori od Angioline Scarpa, rojenoj Sartorio, koj je muž Iginio pokle ča je umrla, va čast i spomen podignul ovu, se do danaska važnu vilu – letnjikovac. Spomen jenoj veloj jubave je pasal va štoriju. Villa Angiolina, smeštena va parke va ken je bilo posajeno zelenilo, dreva i rožice keh su pomorci dovezli z seh stran sveta, isticala se je svojun arhitekturun i jako dobrun pozicijun i pokle su se i druge opatijske vile z tega vremena delale po uzore na nju. Prvi gosti ki su prihajali va Villu Angiolinu, proširili su ime Opatije nadugo i naširoko – pročulo se da je ovdeka dobra i lekovita arija, da uz more zrak drugačije diši i da se ovdeka more i zabavit, opustit i zlečit boli. Opatija je postala »in«, postala je mesto za fini gosti. Jedan za drugen gradili su se pansioni, sanatoriji, vile i hoteli. Saka je reklama, pa i najhuja, ipak reklama, ča se j' potvrdilo i kroz povijest. Važno je da se o ten poveda i da si ki moru budu na ten važnen meste, kot ča j' nekada bila Opatija. Videt i bit viđen, to j' bilo najvažneje. Doživet i oćutit se pohvale ke je Opatije dala slavna amerikanska balerina Isadora Duncan ka je tancala po uzore na opatijske palme ke je vetar njihal, al pak videt ča se to toliko va toj istoj Opatije ni pijažalo Antonu Pavloviču Čehovu, ki ni bil zadovoljan z onen ča je v' Opatije doživel... Važno ime za ko se veže početak opatijske turističke što tije je Friedrich Julius Schüller, Austrijac ki je bil direhtor Društva Južneh željeznic i ki je kupil Villu Angiolinu 1882. leta i pokle potical izgradnju prveh opatijskeh hoteli, Kvarnera i pokle Stephanie (današnji Imperial). Tu je bil i Juraj Matija Šporer, duhtor ki je 1859. leta prišal na ideju da se osnuje Društvo za izgradnju Opatije kako morskega banja i prirodnega lječilišta. Julius Glax, ugledan balneolog i Theodor Billroth, priznati kirurg, bili su veli promotori Opatije z onega vremena i toliko su je voleli da su va njoj i finili život...
Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.