SUŠAČKA REVIJA broj 38/39

 


paralele

SUŠAK JE NAŠ BUDIM  

Kim Cuculić 

    Ne znan zač, ma saki put kad projden va Beč al Budimpeštu, ćutin se kot da san doma. Ni da mi j' žal ča j' Austro-Ugarska finalmente šla fuć, al neki i danas misle da bi nan simi bilo bolje da j' ustala na životu. Jedan naš Rečan čak mi j' povedal da j' Beč, ča se njega tiče, bil i ustal glavni grad Hrvacke. Nemojte mislet da j' ta čovik kakov kvisling, al izdajica nacionalnih interesa. On je samo otel reć da smo pod austro-ugarskin vodstvon još bili kako-tako kulturan narod, ča se danas često i ne more reć. Mane osobno fale taj red, rad i disciplina, a kad bolje razmislin, brez Beča, i pogotovo Mađarske, danaska bi Rika bila jedno obično selo. Znan da se tu dela o jednoj veloj kolonizacije, i da bi danaska namesto hrvacki morda divaneli mađarski, ma mane j' sedno lepo prit va Budimpeštu, ka me već na prvi pogled spamećuje na Riku i Sušak. Razlika je jedino va ten ča zmed Budima i Pešte teče Dunav.

    Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.

Povratak na kazalo © 2001-2019 Klub Sušačana