SUŠAČKA REVIJA broj 38/39

 


opatija

ISADORA MED OPATIJSKEMI PALMAMI  

Aleksandra Kućel Ilić  

     Lepotu opatijskeh palmi je još pred sto let videla i opisala slavna amerikanska balerina Isadora Duncan. Od 1902. leta kad je prišla v' Opatiju i njiju Villu Amalia, va koj njoj je kumpaniju delala sestra, pasal je jušto celi vek, i te su okrugle leta Opatijci rešili proslavit. Va znak tega jubileja, za Dan Grada Opatije ki se j' proslavil 16. juna, va parke spreda poznate  postavjena je skulptura Isadore Duncan, ku je storila opatijska akademska slikarica Tatjana Kostanjević. Prehitili smo tako povijest va današnje vreme i, kako su neki slikovito zapisali, »vrnuli su Isadoru med opatijske palme ke su njoj bile uzor i inspiracija«...
Autorica skulpture, pred kun se rada ferma saki turist i pred kun je lepo slikat se za spomen na Opatiju, reglala je svoje delo svojmu gradu z velin veseljen i dobrun vojun. Najme, Tatjana Kostanjević već let i let svojo umjetničko delo bazira na plesu, uz žeju da ča boje prikaže pokret va svojmi skulpturami– zato je i skulptura za Isadoru Duncan ka simbolizira ples prišla kot kruna tistega dela.

    Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.

Povratak na kazalo © 2001-2019 Klub Sušačana