SUŠAČKA REVIJA broj 40 SUŠAK VA RALJAMI TRANZICIJE Kim Cuculić Fanj njih bilo j' sritno kad je pal Berlinski zid aš su više verovali va kapitalističku, se tako stihijsku privredu, leh va planiranu socijalističku. Ljudi su misleli da će ih spasit tranzicija i tako se Hrvacka zaletela va kapitalizam. Ma, reče se da brzina i nepromišljenost gredu rame uz rame. A rezultat se najbolje vidi na sudbine onoga peteha ki prerano zakukuriče, pa umesto na kakovoj kokoše fini na gradelah. Ča se pokazalo? Pokazalo se da on ki ni znal delat va socijalizmu isto tako ne zna delat ni va kapitalizmu. Ambalaža se promenila, a sadržaj je ustal isti. Zato često vidimo da naši dični menadžeri i privredni stručnjaci mesto da glavu razbijaju prosječnom profitnom stopun, se češće teku vidovnjacima, gatarami, astrolozimi i čudotvorcimi po savet. Niš nan ne gre kako treba, ma niki se ne da z vlasti. Al, kako narod uža reć, si bi oteli delat šporkarije, a ustat pošteni. Sako tuliko gre fuć ka banka, propadne škver, nestane fabrika, za kunu se proda ki hotel, a ruki oneh ki su to zmešali ostaju čiste da ne moru bit čisteje. Ki zna, morda se to mešaju z nogami, al ken drugen delon svoga tela. Intanto, dela se kapitalistički, a rezultati su socijalistički. Privreda j' propala, a on ki se dospel bogovski potkožit va sebe kanta: ki se ni skril, tovar je bil! Tako smo, kod narod, pofumali tranziciju i ustaje nan leh da se križamo i molimo dragomu Bogu. A kada su va sen ten Sušak i njegove perspektive? One nisu ni bolje ni huje leh pul drugeh, ma imaju svoje, sušačko obilježje. Sušačanima se ne preši. A to j' dobro. Ča će nam peteh ki prerano kukuriče. Sušaku se ne preši i zato j' očuval onu gospocku otmjenost ku, kod grad, al imaš al nimaš. A Sušak ju je vavek imel. To se vidi na saken koraku, to moreš onjušit va arije. Leh se nemoj pačat va tri sušačke teme. To su Hartera, Terminal Brajdica i WTC. Hartera j' mrtva. To se zna i to se znalo. Skoro dvisto let stara fabrika ustala j' kod spomenik povjeste, ka ov put ni imela ni milosti ni obzira. Rečina kraj nje teče, huči, buči, prozirna i čista, one vele cisterne pomalo ruzinave, potporni zid pomalo nagriza vlaga pa sliči na zid va kakoven nadrealističken filmu, cevi i cikloni još su vavek srebrni, a amblem Harteri – korablja – stoji ponosno na krovu fabrike i čeka prvi izbori kad će se već nać kakov politikanski šarlatan i obećat da će Hartera prodelat ako on bude zibran. Najmanji lučki terminal na svitu je Brajdica. A se j' tu kod na praven terminalu. Leh ni kontejneri i brodi. Dojde ki brod, ako ćemo povedat istinu, a z njega zilaze američki mornarići. Malo se gredu prošetat uz Rečinu, teku da nin splasne obed, a ki put voze se na rolšulami. Se to gljedaju galebi ki već ne znaju je nin mesto na Trsatu, nad kontejnerima za smeti, al na moru, pul brodi. WTC na Sušaku i je i ni. Kod i va Nevijorku. Neki govore o črnoj jame, neki o škulje, neki o »ve-te-ceu«. Desetak let ta jama tu zjapi i pred malo se otkrilo da od hotela i poslovnog centra tu nigdar nete bit niš, ma mogal bi se otpret kakov supermarket i desetak kinosala To je, va javnoste, dočekano z puno odobravanja i tako su začepljena usta semi onemi ki šire malodušnost, al kako se to hrvacki reče – defetizam. Tako su se radovi silno zahuktali. Već je tamo jedna dizalica, desetak železneh stupi, dve – tri vreći cementa, jedan prenosni kondot i dvajsetak metrih kvadratneh salonita. Ako se bude delalo ovun brzinun, posal će bit gotov za jedno pedesetak let. A vranić zel i prešu! Već sad su se zamisleli gazde Super Konzuma, Getroa, Bille, Super Plodina, Tuša, Cash&Carryja, Keruma i Grazianija, aš WTC bit strašna konkurencija. A zamisleli su se i va Rijekakinu, aš ako se ovde otpre deset kinodvorana, zgubit će oneh dvajsetak gledatelji ki sad pohajaju ona dva jedina rečka kina. Pitanje j' samo ki će nadavat tuliki filmi za se te dvorani. Mepar da j' puno oneh ki taj film nigdar ne budu gledali! Od seh silneh škulji po Rike finalmente bi mogla profitat kultura. Va gradu va ken se na sakon kantunu otpiraju trgovački centri to morda niki ni očekival, ma sirotica kultura strpljiva, kakova već je, dočekala j' svojeh pet minuti.Nakon seh peripetij okol sakramentskog Fenixvea gradski oci nekako su se dospeli dogovorit da bi zgora garaže svoj novi prostor dobila Gradska knjižnica. Na temeljima jedne obične baričine z komarcimi tako ćemo dobit hram znanja kakov je Rika kod sveučilišni centar više nego zavredila. Ma da ne bude da smo rekli hop prije leh ča smo skočili, treba videt će novi investitori i održat obećanje al ćemo spred Filozofskog fakulteta namesto stalaž z librima još jedno deset let gljedat smrdljivu močvarinu i rajanje noveh punoglavceh. Kultura j' prišla na svoje i ča se tiče bivšeg tvorničkog kompleksa Rikard Benčić. Okol tog pitanja rečki su se kulturnjaci već dospeli i pokarat. Jedni misle da bi to bilo pravo mesto za likovnu akademiju, a drugi da nima idealneje lokacije za Muzej grada Rijeke. Neki kulturnjaci su va Benčić već uselili, a leh je pitanje vrimena kad će to postat pravi kulturni kompleks. Primer bečkog Muzejskog kvarta, ki j' storen va bivšen carsken konjušnicami, pokazuje da se na kulture more dobro i zaradit. Ki razmišlja o budućnosti ovoga grada, trebal bi imet na pameti da se danaska soldi ne vrte leh okol trgovačkeh centri nego i okol sega onoga ča gre va kulturu. To zopet pokazuje jedan Beč va ki turisti danaska dohajaju isključivo zbog kulture, a ne zbog trgovačkeh centri kakove već imaju i doma. Kako će sve skupa finit, va oven momentu niki ne zna, ma si oni ki budu odlučivali o sudbini Rike i Sušaka trebali bi imet na pameti da j' kultura najbolji proizvod z ken se jedan grad more promovirat. I onput, kako povezat plansku i stihijsku privredu? Nikako. Va ovoj zemlje one su se same povezale. Dela se kapitalistički, a rezultati su socijalistički. Al obratno. To niki na oven svitu ne zna. Ma, tranzicija je tranzicija i z njun je kod z diteton. Hite te lipo va more, pa plavaj. Ako ne znaš, utopit ćeš se. Tako j' bilo i z samoupravljanjen, pa smo ustali živi i zdravi, pa zač ne bimo i za tranzicijun? Autorica je profesorica hrvatskog jezika i književnosti, a kao novinarka Novog lista piše o kulturnim zbivanjima u Rijeci. Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala. Povratak na kazalo © 2001-2024 Klub Sušačana
SUŠAK VA RALJAMI TRANZICIJE
Kim Cuculić
Fanj njih bilo j' sritno kad je pal Berlinski zid aš su više verovali va kapitalističku, se tako stihijsku privredu, leh va planiranu socijalističku. Ljudi su misleli da će ih spasit tranzicija i tako se Hrvacka zaletela va kapitalizam. Ma, reče se da brzina i nepromišljenost gredu rame uz rame. A rezultat se najbolje vidi na sudbine onoga peteha ki prerano zakukuriče, pa umesto na kakovoj kokoše fini na gradelah. Ča se pokazalo? Pokazalo se da on ki ni znal delat va socijalizmu isto tako ne zna delat ni va kapitalizmu. Ambalaža se promenila, a sadržaj je ustal isti. Zato često vidimo da naši dični menadžeri i privredni stručnjaci mesto da glavu razbijaju prosječnom profitnom stopun, se češće teku vidovnjacima, gatarami, astrolozimi i čudotvorcimi po savet. Niš nan ne gre kako treba, ma niki se ne da z vlasti. Al, kako narod uža reć, si bi oteli delat šporkarije, a ustat pošteni. Sako tuliko gre fuć ka banka, propadne škver, nestane fabrika, za kunu se proda ki hotel, a ruki oneh ki su to zmešali ostaju čiste da ne moru bit čisteje. Ki zna, morda se to mešaju z nogami, al ken drugen delon svoga tela. Intanto, dela se kapitalistički, a rezultati su socijalistički. Privreda j' propala, a on ki se dospel bogovski potkožit va sebe kanta: ki se ni skril, tovar je bil! Tako smo, kod narod, pofumali tranziciju i ustaje nan leh da se križamo i molimo dragomu Bogu. A kada su va sen ten Sušak i njegove perspektive? One nisu ni bolje ni huje leh pul drugeh, ma imaju svoje, sušačko obilježje. Sušačanima se ne preši. A to j' dobro. Ča će nam peteh ki prerano kukuriče. Sušaku se ne preši i zato j' očuval onu gospocku otmjenost ku, kod grad, al imaš al nimaš. A Sušak ju je vavek imel. To se vidi na saken koraku, to moreš onjušit va arije. Leh se nemoj pačat va tri sušačke teme. To su Hartera, Terminal Brajdica i WTC. Hartera j' mrtva. To se zna i to se znalo. Skoro dvisto let stara fabrika ustala j' kod spomenik povjeste, ka ov put ni imela ni milosti ni obzira. Rečina kraj nje teče, huči, buči, prozirna i čista, one vele cisterne pomalo ruzinave, potporni zid pomalo nagriza vlaga pa sliči na zid va kakoven nadrealističken filmu, cevi i cikloni još su vavek srebrni, a amblem Harteri – korablja – stoji ponosno na krovu fabrike i čeka prvi izbori kad će se već nać kakov politikanski šarlatan i obećat da će Hartera prodelat ako on bude zibran. Najmanji lučki terminal na svitu je Brajdica. A se j' tu kod na praven terminalu. Leh ni kontejneri i brodi. Dojde ki brod, ako ćemo povedat istinu, a z njega zilaze američki mornarići. Malo se gredu prošetat uz Rečinu, teku da nin splasne obed, a ki put voze se na rolšulami. Se to gljedaju galebi ki već ne znaju je nin mesto na Trsatu, nad kontejnerima za smeti, al na moru, pul brodi. WTC na Sušaku i je i ni. Kod i va Nevijorku. Neki govore o črnoj jame, neki o škulje, neki o »ve-te-ceu«. Desetak let ta jama tu zjapi i pred malo se otkrilo da od hotela i poslovnog centra tu nigdar nete bit niš, ma mogal bi se otpret kakov supermarket i desetak kinosala To je, va javnoste, dočekano z puno odobravanja i tako su začepljena usta semi onemi ki šire malodušnost, al kako se to hrvacki reče – defetizam. Tako su se radovi silno zahuktali. Već je tamo jedna dizalica, desetak železneh stupi, dve – tri vreći cementa, jedan prenosni kondot i dvajsetak metrih kvadratneh salonita. Ako se bude delalo ovun brzinun, posal će bit gotov za jedno pedesetak let. A vranić zel i prešu! Već sad su se zamisleli gazde Super Konzuma, Getroa, Bille, Super Plodina, Tuša, Cash&Carryja, Keruma i Grazianija, aš WTC bit strašna konkurencija. A zamisleli su se i va Rijekakinu, aš ako se ovde otpre deset kinodvorana, zgubit će oneh dvajsetak gledatelji ki sad pohajaju ona dva jedina rečka kina. Pitanje j' samo ki će nadavat tuliki filmi za se te dvorani. Mepar da j' puno oneh ki taj film nigdar ne budu gledali! Od seh silneh škulji po Rike finalmente bi mogla profitat kultura. Va gradu va ken se na sakon kantunu otpiraju trgovački centri to morda niki ni očekival, ma sirotica kultura strpljiva, kakova već je, dočekala j' svojeh pet minuti.Nakon seh peripetij okol sakramentskog Fenixvea gradski oci nekako su se dospeli dogovorit da bi zgora garaže svoj novi prostor dobila Gradska knjižnica. Na temeljima jedne obične baričine z komarcimi tako ćemo dobit hram znanja kakov je Rika kod sveučilišni centar više nego zavredila. Ma da ne bude da smo rekli hop prije leh ča smo skočili, treba videt će novi investitori i održat obećanje al ćemo spred Filozofskog fakulteta namesto stalaž z librima još jedno deset let gljedat smrdljivu močvarinu i rajanje noveh punoglavceh. Kultura j' prišla na svoje i ča se tiče bivšeg tvorničkog kompleksa Rikard Benčić. Okol tog pitanja rečki su se kulturnjaci već dospeli i pokarat. Jedni misle da bi to bilo pravo mesto za likovnu akademiju, a drugi da nima idealneje lokacije za Muzej grada Rijeke. Neki kulturnjaci su va Benčić već uselili, a leh je pitanje vrimena kad će to postat pravi kulturni kompleks. Primer bečkog Muzejskog kvarta, ki j' storen va bivšen carsken konjušnicami, pokazuje da se na kulture more dobro i zaradit. Ki razmišlja o budućnosti ovoga grada, trebal bi imet na pameti da se danaska soldi ne vrte leh okol trgovačkeh centri nego i okol sega onoga ča gre va kulturu. To zopet pokazuje jedan Beč va ki turisti danaska dohajaju isključivo zbog kulture, a ne zbog trgovačkeh centri kakove već imaju i doma. Kako će sve skupa finit, va oven momentu niki ne zna, ma si oni ki budu odlučivali o sudbini Rike i Sušaka trebali bi imet na pameti da j' kultura najbolji proizvod z ken se jedan grad more promovirat. I onput, kako povezat plansku i stihijsku privredu? Nikako. Va ovoj zemlje one su se same povezale. Dela se kapitalistički, a rezultati su socijalistički. Al obratno. To niki na oven svitu ne zna. Ma, tranzicija je tranzicija i z njun je kod z diteton. Hite te lipo va more, pa plavaj. Ako ne znaš, utopit ćeš se. Tako j' bilo i z samoupravljanjen, pa smo ustali živi i zdravi, pa zač ne bimo i za tranzicijun? Autorica je profesorica hrvatskog jezika i književnosti, a kao novinarka Novog lista piše o kulturnim zbivanjima u Rijeci.
Fanj njih bilo j' sritno kad je pal Berlinski zid aš su više verovali va kapitalističku, se tako stihijsku privredu, leh va planiranu socijalističku. Ljudi su misleli da će ih spasit tranzicija i tako se Hrvacka zaletela va kapitalizam. Ma, reče se da brzina i nepromišljenost gredu rame uz rame. A rezultat se najbolje vidi na sudbine onoga peteha ki prerano zakukuriče, pa umesto na kakovoj kokoše fini na gradelah. Ča se pokazalo? Pokazalo se da on ki ni znal delat va socijalizmu isto tako ne zna delat ni va kapitalizmu. Ambalaža se promenila, a sadržaj je ustal isti. Zato često vidimo da naši dični menadžeri i privredni stručnjaci mesto da glavu razbijaju prosječnom profitnom stopun, se češće teku vidovnjacima, gatarami, astrolozimi i čudotvorcimi po savet. Niš nan ne gre kako treba, ma niki se ne da z vlasti. Al, kako narod uža reć, si bi oteli delat šporkarije, a ustat pošteni. Sako tuliko gre fuć ka banka, propadne škver, nestane fabrika, za kunu se proda ki hotel, a ruki oneh ki su to zmešali ostaju čiste da ne moru bit čisteje. Ki zna, morda se to mešaju z nogami, al ken drugen delon svoga tela. Intanto, dela se kapitalistički, a rezultati su socijalistički. Privreda j' propala, a on ki se dospel bogovski potkožit va sebe kanta: ki se ni skril, tovar je bil! Tako smo, kod narod, pofumali tranziciju i ustaje nan leh da se križamo i molimo dragomu Bogu. A kada su va sen ten Sušak i njegove perspektive? One nisu ni bolje ni huje leh pul drugeh, ma imaju svoje, sušačko obilježje. Sušačanima se ne preši. A to j' dobro. Ča će nam peteh ki prerano kukuriče. Sušaku se ne preši i zato j' očuval onu gospocku otmjenost ku, kod grad, al imaš al nimaš. A Sušak ju je vavek imel. To se vidi na saken koraku, to moreš onjušit va arije. Leh se nemoj pačat va tri sušačke teme. To su Hartera, Terminal Brajdica i WTC. Hartera j' mrtva. To se zna i to se znalo. Skoro dvisto let stara fabrika ustala j' kod spomenik povjeste, ka ov put ni imela ni milosti ni obzira. Rečina kraj nje teče, huči, buči, prozirna i čista, one vele cisterne pomalo ruzinave, potporni zid pomalo nagriza vlaga pa sliči na zid va kakoven nadrealističken filmu, cevi i cikloni još su vavek srebrni, a amblem Harteri – korablja – stoji ponosno na krovu fabrike i čeka prvi izbori kad će se već nać kakov politikanski šarlatan i obećat da će Hartera prodelat ako on bude zibran. Najmanji lučki terminal na svitu je Brajdica. A se j' tu kod na praven terminalu. Leh ni kontejneri i brodi. Dojde ki brod, ako ćemo povedat istinu, a z njega zilaze američki mornarići. Malo se gredu prošetat uz Rečinu, teku da nin splasne obed, a ki put voze se na rolšulami. Se to gljedaju galebi ki već ne znaju je nin mesto na Trsatu, nad kontejnerima za smeti, al na moru, pul brodi. WTC na Sušaku i je i ni. Kod i va Nevijorku. Neki govore o črnoj jame, neki o škulje, neki o »ve-te-ceu«. Desetak let ta jama tu zjapi i pred malo se otkrilo da od hotela i poslovnog centra tu nigdar nete bit niš, ma mogal bi se otpret kakov supermarket i desetak kinosala To je, va javnoste, dočekano z puno odobravanja i tako su začepljena usta semi onemi ki šire malodušnost, al kako se to hrvacki reče – defetizam. Tako su se radovi silno zahuktali. Već je tamo jedna dizalica, desetak železneh stupi, dve – tri vreći cementa, jedan prenosni kondot i dvajsetak metrih kvadratneh salonita. Ako se bude delalo ovun brzinun, posal će bit gotov za jedno pedesetak let. A vranić zel i prešu! Već sad su se zamisleli gazde Super Konzuma, Getroa, Bille, Super Plodina, Tuša, Cash&Carryja, Keruma i Grazianija, aš WTC bit strašna konkurencija. A zamisleli su se i va Rijekakinu, aš ako se ovde otpre deset kinodvorana, zgubit će oneh dvajsetak gledatelji ki sad pohajaju ona dva jedina rečka kina. Pitanje j' samo ki će nadavat tuliki filmi za se te dvorani. Mepar da j' puno oneh ki taj film nigdar ne budu gledali! Od seh silneh škulji po Rike finalmente bi mogla profitat kultura. Va gradu va ken se na sakon kantunu otpiraju trgovački centri to morda niki ni očekival, ma sirotica kultura strpljiva, kakova već je, dočekala j' svojeh pet minuti.Nakon seh peripetij okol sakramentskog Fenixvea gradski oci nekako su se dospeli dogovorit da bi zgora garaže svoj novi prostor dobila Gradska knjižnica. Na temeljima jedne obične baričine z komarcimi tako ćemo dobit hram znanja kakov je Rika kod sveučilišni centar više nego zavredila. Ma da ne bude da smo rekli hop prije leh ča smo skočili, treba videt će novi investitori i održat obećanje al ćemo spred Filozofskog fakulteta namesto stalaž z librima još jedno deset let gljedat smrdljivu močvarinu i rajanje noveh punoglavceh. Kultura j' prišla na svoje i ča se tiče bivšeg tvorničkog kompleksa Rikard Benčić. Okol tog pitanja rečki su se kulturnjaci već dospeli i pokarat. Jedni misle da bi to bilo pravo mesto za likovnu akademiju, a drugi da nima idealneje lokacije za Muzej grada Rijeke. Neki kulturnjaci su va Benčić već uselili, a leh je pitanje vrimena kad će to postat pravi kulturni kompleks. Primer bečkog Muzejskog kvarta, ki j' storen va bivšen carsken konjušnicami, pokazuje da se na kulture more dobro i zaradit. Ki razmišlja o budućnosti ovoga grada, trebal bi imet na pameti da se danaska soldi ne vrte leh okol trgovačkeh centri nego i okol sega onoga ča gre va kulturu. To zopet pokazuje jedan Beč va ki turisti danaska dohajaju isključivo zbog kulture, a ne zbog trgovačkeh centri kakove već imaju i doma. Kako će sve skupa finit, va oven momentu niki ne zna, ma si oni ki budu odlučivali o sudbini Rike i Sušaka trebali bi imet na pameti da j' kultura najbolji proizvod z ken se jedan grad more promovirat. I onput, kako povezat plansku i stihijsku privredu? Nikako. Va ovoj zemlje one su se same povezale. Dela se kapitalistički, a rezultati su socijalistički. Al obratno. To niki na oven svitu ne zna. Ma, tranzicija je tranzicija i z njun je kod z diteton. Hite te lipo va more, pa plavaj. Ako ne znaš, utopit ćeš se. Tako j' bilo i z samoupravljanjen, pa smo ustali živi i zdravi, pa zač ne bimo i za tranzicijun?
Autorica je profesorica hrvatskog jezika i književnosti, a kao novinarka Novog lista piše o kulturnim zbivanjima u Rijeci.
Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.