SUŠAČKA REVIJA broj 44

 


opatija

FRAP, 72. MADONNA

Aleksandra Kućel Ilić

Opatija je bila prej više let krajica noćnega života. Prišal je 21. vek, pitali smo po lete mladi judi kako njin se Opatija pjaža. Su rekli da j' dobra za spat.

    Opatija je prej više let, oneh keh se nanke ne moremo domislet, lego nan povedaju stareji, bila krajica noćnega života. Za ono vreme, bila je spreda drugeh, bila je »pojam« i garantirala je dobru zabavu. Bila je to Opatija z velen O...
   
    Va vreme koga se moren domislet, boje reć va vreme kada smo z kumpanijun počeli hodit van, Opatija je i daje držala dobar glas. Stareji su i daje njurgali i špjegevali nan mlajen da to već ni to, da j' Opatija pala na niske grane i da od nekadajnega noćnega života va ten grade već ni zostalo nanke slovo »n«.
   
    Ma mi smo bili zadovojni z onen ča se j' nutilo. Nan je bilo dobro i misleli smo da stareji štufuju aš da je njihovo vreme pasalo...
   
    Osandeseteh let pasanega veka (kako da je bilo čera, a va drugen momente se spametiš da je već čuda let pasalo), Opatija je bila poznata po diskotekah ke se nisu otpirale tako kasno kako danaska, lego se tancat moglo već od devet, al deset ur večer. Dosti se j' gledalo na to koliko imaš let, aš na neka mesta su pušćali mulariju, a negdere ni za lek. A izbora j' bilo fajn - va hotele Palme je bila legendarna diskoteka ka j' promenila čuda imeni, a nan je nekako najviše ostala po imene Frap. Tancalo se i va Continentale, pa onputa va nekadajnen Jadrane ki j' danaska Millennium. Tu j' bila nekada jako popularna 72 - ka, kade se j' dogodilo čuda lepeh i onputa jena grda štorija zaradi ke je i popularnost tega mesta počela padat, aš kade pištole delaju, judi beže.
 

    Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.

Povratak na kazalo © 2001-2019 Klub Sušačana