SUŠAČKA REVIJA broj 52

 


projekti

ŽIČARA DO UČKE

Aleksandra Kućel - Ilić

    Kako je lepo Učku pohodit… Planinari užaju poć hodeć zgorun od Medveje ale od Lovrana. Za oneh ken je pet, anke i više, ur hoda, preteško i ne moru zdurat, onputa pridu z auton do Poklona i nastave dve–tri urice se zabavjat za prit do gore, do vrha Vojaka. Neki pridu prej, neki pokle. Ma, za sada ni nekega drugega moda za prit do planinske «krajice Istre i Kvarnera». More se poć hodeć, z bičikletun, z auton, a već let i let se govori da bi se do nje jenega dana moglo prit i z žičarun…

    Magari je saki put do sada, a počelo se od tega govorit još va vreme Austro-Ugarske, saka štorija od izgradnji žičare ka bi povezala more i planinu, ostala samo «štorija od kunelići», šperanca da će se veli plani jenega dana zaspraven ostvarit, ni se nikada pogasila. Više puti su se delali plani i projekti, a saki put su Učku z morsken delon poveževali preko Medveji, kade se činilo najboje i najatraktivnije. Štorija se sakeh par let aktualizirala, pa je onputa se padalo va tihi zaborav. I onput je prišlo 2005. leto…
 

    Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.

Povratak na kazalo © 2001-2024 Klub Sušačana