SUŠAČKA REVIJA broj 53 liburnija VELI PLAN ZA “STARU DAMU” Aleksandra Kućel-Ilić V’ Opatije se sako leto parićuju vele manifestaciji, a nekada ih je bilo i više, od Porina i Dore, do izbora za Miss Hrvacke i Miss Universe. Se takove vele parade su se dogajale va najstarejen opatijsken hotele Kvarner, va Kristalnoj dvorane ka je z vremenon postala premića za ovo moderno vreme i se ono ča danaska za takove priredbe rabi. Zato je Opatija, krajica festivali, neke manifestacije zgubila se dokle se ne zgradi nova, veća dvorana. A judi ki su prišli na čelo Grada Opatije su prežentali svoju “viziju grada” kega vode i med sen onen ča bi se na ovisten terene trebalo storit i zgradit, izgradnju vele kongresne dvorani su klali med najvažneji opatijski cilji... Sakemu je ćaro da Opatija ne more naprvo poć bez turizna, i to turizma ki se dogaja kroz celo leto. Zato su gradski oci precenili da je kongresni turizam za Opatiju najboji put i da po njemu trebe hodit naprvo. Danas Opatija ima nekoliko manjeh i srednjeh sali za kongresi, i to va hoteleh Adriatic, Ambasador, Milenij i Četiri opatijska cvijeta. Rabilo bi zgradit jenu puno veću salu za baren 2000 judi, tako da se v’ Opatiju moru pripejat i organizirat europski i svecki kongresi. Va takovoj sali bi se mogli organizirat i si mogući kulturni i zabavni spektakli. Kade će se neč takovega zaspraven i zgradit, još vavek ni sigurno, ma poveda se da bi to moglo bit na Ljetnoj pozornice, ka bi dobila krov. To da je najidealnija pozicija, ma ako tu ne bude bilo dosti mesta, moglo bi se računat da će se kongresni centar zgradit negdere na opatijskoj Slatine, najbrže na mestu hotela Zagreb. Ča bi najme opatijski “gradski oci” oteli? Njiha je ideja da se uz Opatiju povežu tri vele stvari i da Opatija postane sinonim za “grad s pet zvjezdica”, za “grad vrhunskih znanstvenih, kulturnih, zabavnih i sportskih zbivanja” i još “grad-muzej Srednje Europe”. Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala. Povratak na kazalo © 2001-2024 Klub Sušačana
VELI PLAN ZA “STARU DAMU”
Aleksandra Kućel-Ilić
V’ Opatije se sako leto parićuju vele manifestaciji, a nekada ih je bilo i više, od Porina i Dore, do izbora za Miss Hrvacke i Miss Universe. Se takove vele parade su se dogajale va najstarejen opatijsken hotele Kvarner, va Kristalnoj dvorane ka je z vremenon postala premića za ovo moderno vreme i se ono ča danaska za takove priredbe rabi. Zato je Opatija, krajica festivali, neke manifestacije zgubila se dokle se ne zgradi nova, veća dvorana. A judi ki su prišli na čelo Grada Opatije su prežentali svoju “viziju grada” kega vode i med sen onen ča bi se na ovisten terene trebalo storit i zgradit, izgradnju vele kongresne dvorani su klali med najvažneji opatijski cilji... Sakemu je ćaro da Opatija ne more naprvo poć bez turizna, i to turizma ki se dogaja kroz celo leto. Zato su gradski oci precenili da je kongresni turizam za Opatiju najboji put i da po njemu trebe hodit naprvo. Danas Opatija ima nekoliko manjeh i srednjeh sali za kongresi, i to va hoteleh Adriatic, Ambasador, Milenij i Četiri opatijska cvijeta. Rabilo bi zgradit jenu puno veću salu za baren 2000 judi, tako da se v’ Opatiju moru pripejat i organizirat europski i svecki kongresi. Va takovoj sali bi se mogli organizirat i si mogući kulturni i zabavni spektakli. Kade će se neč takovega zaspraven i zgradit, još vavek ni sigurno, ma poveda se da bi to moglo bit na Ljetnoj pozornice, ka bi dobila krov. To da je najidealnija pozicija, ma ako tu ne bude bilo dosti mesta, moglo bi se računat da će se kongresni centar zgradit negdere na opatijskoj Slatine, najbrže na mestu hotela Zagreb. Ča bi najme opatijski “gradski oci” oteli? Njiha je ideja da se uz Opatiju povežu tri vele stvari i da Opatija postane sinonim za “grad s pet zvjezdica”, za “grad vrhunskih znanstvenih, kulturnih, zabavnih i sportskih zbivanja” i još “grad-muzej Srednje Europe”.
Napomena: Članci iz Sušačke revije u Web izdanje ne prenose se kompletni, sa svim slikama, potpisima pod slike, okvirima, tablicama i sličnim. Za cjelovit uvid u članke pogledate papirnato izdanje. Hvala.